Die do owwe -
die kumme ma monchmol vor - wie die
Koowe ...
se stürze sich runna - unn sien nur Aas,
fir uns Kleene - macht das gar ke Spaß.
Gebühreerhöhung in alle Lage - unn konstant,
bei monche Nochbor - is do ach bei der Bank iwwerhaupt
kenn` Kontostand ...
Die meischde Fehler werre gemach` in der Chefetage
-
d i e misse ausbade de Kleene - unn gerode
so in die Schieflage ...
Es geht schonn loos met dem Kinnagade-
de Knies unnanonna misse die Eltern ausbade.
Schule werre zusammegeschloss-
de Kinna misse imma weiter fahre m`em Bus.
Die Politiker werre we a Privatsach` geschickt
in Pension-
de kleene Monn kritt für 40 Johr Awet bezahlt
- es iss e Hohn ...
Die Poschd hat die Drucksache für uns Bürga
abgeschafft,
die Gebühr honn die do Owwe onnaschd gestaffelt
- unn aach sehr gestrafft ...
WOHIN soll` das alles fihre,
soll` es Europa m`em EURO doch probiere ?
Ob Bonn, Berlin, Brüssel - odda Straßburg-
noch sitze die do Owwe uff ihr Gebühreburg
...
|