Ich hann Dich gäär - das iss monchmol schon so e Sach,
awwer bei uns BEIDE iss` das immer noch wohr, bis uff de heitische Dach.

Es fing gonz harmlos on de Faasend onn,
denn e jeder schleicht sich do so "rasend" ronn.

Awwer - es blieb ke Faasendscherz
ich bin ehrlich - ich honn mir domols gefasst - e Herz` -
nadierlich - ohne vill Deires unn ohne Nerz.

Es wurde geschmust in de 60-er Johre in Bahn unn Busse -
es gab` do schunn so e monches Ge-KUSSE ...

Im Kino - ob e Film weiss odda bunnt -
es ging - aach beim Nachbarpäärche so monchmol "rund" ...

Die Schwiegermudda wurde kaum gefroht -
schunn war ma onn de nägschde Ooschdere verlobt -

Geheirat` wurd onn dem übernägschde Gehonnsda` - die kürzschde Nacht -
wer hat do awwer von uns BEIDE beim Uffgebotstermin doron gedacht ? ...

Nun ja - es war kein Muß` -
aach heit` gibt`s kaum noch e Verdruß.

Die Tochter - inzwische weit iwwa zwonzig -
bei uns all` iss noch niemand ronzig ...