Kurz vor`m 1. Mai - genau omm 30. April
iss die Hexenacht - ob se der Eene odda Annere iwwerhaupt aach will ?

Die Hexe sinn nimmé das, was se friher ware -
es werd`gehext - mit ner ganz annere Ware: Ketchup, Zahnpasta odda Kloopapier
iss heit die Devise ...
Nix mee m`em Bauer ... uff der Wiese ...

Die Autos werre versaut von alle Seite,
iss  d a s  das heutige Zeiche ?

Friher war die Mischdgawwel  unn de Heiwohn- mit von der Partie,
so monche Hausdier iss zugemauert worr - ob dort odda hie !

Aach der unschuldige Briefkaschde iss heit nimmé unngeschoore ... e Brief  no Michelbach, Eckern-
förde odda Husum-
er iss versaut weiss/rot rundherum.

Früher hätt`  uns der Feldhüter vertuwackt - heit` iss das alles annerschd verzwickt/verzwackt.

Die Behexte gucke morjens - omm 1. Mai - ware die Hexe doo - odda nidd - das iss so ziemlich
Einerlei ...

Ma guggt no rote odda weisse Spure - friher war ma no Pudel odda Backsteen uff der Suche, unn
hadd, wenn ma- vorausgesetzt de Nachbar konnt ma nidd so leide - die Hexe kenne verfluche ...
D i e  honn nämlich - alles musst schnell gehn ... unn ohne Lärm ...
die Haus-Nr. verwechselt ... met Mischd unn Gedärm ...

Donn war nämlich der Betroffene offt der falsche Leidtragende -
awwa morjens - omm 1. Mai - gab`s viel Gespräch unn Legende ...
Viel honn gelacht, sich gefreit, rumgegefootst ... faschd ohne Ende ...

Sieh` da - demm hat ma`s awwa gezeiht ...
Ich (der Unschuldige) ... honn`s schunn imma prophezeit ...

Uffgeräumt, hat meischdens nur die Verwandtschaft ...
awwa - wer/wie hat ma das in der Nacht alles rangeschafft ? ...

Friher war die Hexe tatkräftig  bei der Sach` ...
heit ... nur noch e wehmütige Hex/Hexin - mit Weh` und Ach ...